Ish presidenti francez Nikolas Sarkozi u ka thënë gjykatësve që e kanë vënë nën hetim zyrtar, që akuzat se kishte kërkuar fonde nga Libia për fushatën e tij zgjedhore ishin gënjeshtra që ia kanë bërë jetën e tij një “ferr”, raporton gazeta Le Figaro.

Gazeta publikoi një pasqyrë të gjatë të asaj që tha se ishte një deklaratë e Sarkozisë, në pushtet nga viti 2007 deri në vitin 2012, që ia bëri hetuesve të cilët i thanë atij pas dy ditësh në paraburgim se ai ishte zyrtarisht i dyshuar për korrupsion pasiv dhe vepra të tjera, transmeton portali arbresh.info.

“Kjo shpifje e ka bërë jetën time një ferr të gjallë që nga 11 marsi 2011”, citon 63-vjeçari t’i ketë thënë hetuesve. Prokurorët po shqyrtojnë akuzat se fushata zgjedhore e Sarkozisë për vitin 2007 u ndihmua nga miliona euro në para nga udhëheqësi i ndjerë libian Muammar Gaddafi.

Sipas Le Figaro, Sarkozi tha se ishte viktimë e një fushate destabilizimi që filloi në mars 2011, në bazë të akuzave nga Tripoli dhe një biznesmeni franko-libanez i cili është gjithashtu në qendër të një hetimi gjyqësor që filloi në vitin 2013, por u ngjit këtë javë kur Sarkozi u mbajt për t’u marrë në pyetje./Arbresh.info/